Esta fin de selmana seguimos en ruta y aposentamos los micrófonos nel conceyu de Bimenes, tierra de yerbatos. Arrancamos, como siempre, col nuestru particular filandón nel que mos averamos un poco al conceyu y nel que tamién David Fernández mos falará de salú mental. Falamos, como nun podía ser menos, con Aitor García, alcalde de Bimenes, pa conocer tantes coses bones del conceyu y los retos pal futuru. Nun sabemos si ye futuru o ye presente, pero falamos con Sergio Ordóñez, conocíu como Dj Pepiox08 y l'encargáu d'amenizar tolos saraos yerbatos. Como cada selmana coneutamos colos nuesos corresponsales pel mundu y recibimos los reportes de Raúl Alonso dende Valladolid, Carlos Sobrín dende L.laciana, Silvia Fernández dende Andalucía y Xuan Nel Turiel dende Alemania. Asoma per equí tamién Vítor Suárez pa falanos de "Charlie y la fábrica de chocolate" de Roald Dahl y que t'acabante de tonar al asturianu. Tamién s'asoma Aitor Riera colos sos viescollacios pa falanos de lo importante de ser responsables coles mascotes nestes feches tan señalaes. Y pesllamos cola emprendedora yerbata María Menéndez, responsable de la marca de ropa "La Raposa".

Ver todos los episodios