Manifiesto: https://radiolagranjazaragoza.wordpress.com/desde-1985-asta-ahora/ (En Aragonés) En una sociedat cuya reyalidat ye alterament centralizada y informatizada, an os meyos privatos y publicos de comunicación son poder y son a lo servicio d´o poder, as RADIOS LIBRES surten debant d´a nesecidat y o dreito de toda persona individual o colectiva a exprisar librement os suyos parixers y creticar y ofrir alternativas en tot ixo que l´afecta directa y indirectament. As radios libres nos caracterizamos per:
-Un caracter no profesional, replecando que a comunicación no bi ha d´estar un meyo de lucro.
-Un funcionamient autochestionato alazetato en a presa de decisions de traza directa per totz aquells que participan activament en a vida d´a radio.
-Somos autonomos. A radio libre s´establixe a la marguin de toda colla de premidura pulitica o economica que pueda o quiera alticamar en o suyo profeito o memsache a espardir y, esclaterament, refusamos qualsiquier tipo de publicidat directa o indirecta.
-A radio libre ye participativa. Ye a lo servicio d´a comunidat an s´integra, potenciando a chunificación d´os conceptos emisor/recullidor.
-As radios libres acucutan como nesecidat de levar a comunicación a la bastida d´o cutián y como luita contra l´amogolonadura y a centralización d´a comunicación.
-Zaguerament, nos definimos como radios libres de tot compromís que no sia o d´ensementar a reyalidat a tutiplén y os parixers sin amugación.
-As radios libres pretendemos potenciar toda una practica de comunicación alazetada en un enfrontinamiento radical contra tot tipo de relación social de dominación y, per lo tanto, espolonamos per una traza de vida alternativa a l´actual.
*COORDINADeRA DE RADIOS LIBRES Villaverde, 21-22 de mayo de 1983.*Narrador: Jose María Burillo / Batiburrillo Radioshow.(RLG). *Texto trad: Chusé Murillo. (RLG). *Producción: Oskar / Busca en la Basura!! Radioshow,.RLG)..

Ver todos los episodios